قصة غزال البوادي

قصة غزال البوادي

السلام عليكم

شحالكم

ربكم الا بخير

احم احم

و القصه ما يبيلها الا خيال

و نبدأ بالجزء الأول

-----------

جاسم توه راد من الفجيره

أم جاسم : هلا هلا والله بوليدي جاسم ايلس ايلس شكلك تعبان

بو جاسم : هلا هلا والله بولديه جاسم

جاسم : اهلين .. و باس امه و ابوه عراسهم .. هيه والله و يوعان مررره علايه قومي ييبي شي ينأكل

علايه : والله انت عالراس و العين بس شو جايفني جدامك خدامه !!

أم جاسم : وابويه عليج علايه قومي يلا سمعي كلام اخوج العود

جاسم رافع خشمه : هيه يلا قومي سمعي كلام اخوج العود

بو جاسم : حشى كليتو بنتي يحليلها زقروا الخدامه ولا جي عالفاضي

علايه : هيه .. و راحت يلست فحضن ابوها .. زقروا الخدامه

أم جاسم : ما منج فايده انتي وابوج .. و تزقر الخدامه عسب تييب الاكل

و تنزل شموه من فوق .. و لا حاسه بعمرها ترمس فالفون ..

شموه : ههههه هيه هيه جفتها ... والله غجريه هههه << ترمس ويا ربيعتها

جاسم : عنبوه احشمي توني راد

شموه : جسووووووووووووووم فديتك والله تولهت عليك << و السماعه فإذنها

**** : ههه منو جسوم لا تقولين اخوج ؟؟

شموه : ههه هيه اقول ريموه برمسج بعدين .. و تسكر

ريموه : اوكي سي يو .. و تسكر هي الثانيه

و تروح ركيض عند جاسم ..

شموه : فديييييييييييييتك جسوم والله .. و تنقز فحظنه .. اشتقت لك تولهت عليك

جسوم : قومي عني تعبان عنبوه يالدبه

أم جاسم : و انا اقول منو الي يخلص الرصيد كل يوم

علايه و شموه : ههههههههههههههههه

بو جاسم : فديتهم والله بناتي ما يسواهن هالرصيد

علايه و شموه مدن بووز

و تلفون البيت يرن

ترن ترن ترن ترن..

علايه وشموه بترابعن عالتلفون عسب يردن عليه

و اخر شي ام جاسم ترد

ام جاسم : السلام عليكم

...: و عليكم السلام

ام جاسم : هلاا والله بأم محمد هلا والله بأختي شحالج شحال عيالج

أم محمد : والله بخير كلنا ربي يعافيج و انتوا شحالكم شخباركم .. ؟

ام جاسم : والله بخير تمام ولديه رد من الفجيره بعد

ام محمد : الحمد لله عالسلامه ,, اقولج ام جاسم باجر انتوا معزومين فـ بيتنا

ام جاسم : الله يسلمج ,, انشاء الله بشاور بو جاسم و برد لج خبر

ام جاسم حق بو جاسم : اقول بو جاسم ختيه تقول باجر معزومين عندهم .. شو اقولها ؟؟

بو جاسم : والله بسأل بناتي شو تقولن .. ؟

ام جاسم بنص عين : و بعد صار لهن شور البنات جاسم شو تقول نروح ولا لا

جاسم : الخدامه يابت لك كوب عصير و سندويج و يتكلم و الاكل فحلجه .. ما اعرف

علايه فخاطرها امايه لا تخربين والله من زمان ما جفت *** : هي هي ابويه بنروح

ام جاسم ردت عالتلفون : اوكي عيل باجر نجوفكم

ام محمد : اوكي فمان الله

ام جاسم : فمان الرحمن

احم احم << ردت راعية السيكل الوردي

بعرفكم ع عايلة أم جاسم : عايله راقيه و محترمه و تعيش فالعين

اول شي الابو : عمره 39 و شخص طيب و حبوب و يحب عياله وااايد و يسوي لهم اي شي يبونه و يشتغل ضابط

الام ام جاسم : عمرها 37 و حرمه طيبه و كريمه و كشيخه دوم و تحب عيالها و
اكثر واحد جاسم و ما تحب موووليه الاغاني و تحرج ع عيالها اذا عرفت انهم
يسمعون اغاني

جاسم : البجر عمره 16 يدرس فالثنويه ثالث ثنوي ما يتم فالبيت وايد و دوم
ويا ربيعه مبارك بس يحب خواته وايد و دوم اذا ظهر حتى لو جمعيه اييبلهم شي و
هو شاب حليو اسمراني شوي خشمه طويل سيف و عيونه ناعسات و شعره ناعم

شموه : عمرها 14 سنه يايه فالوسط و تدرس فالثنويه بعد اول ثنوي و دوم يالسه
عالنت و لا الفون تحس فالناس و مسوي ثنائي مرح ويا اختها علايه و هي حلوه
حنطيه خشمها هب لين هناك و عيونها ناعسات و شعرها طويل و ناعم و غليظ و
تجذب الواحد يجوفها

علايه : اخر العنقود عمرها 12 تدرس فالاعدادي اول اعدادي يعني صف 7 و راعية
سوالف و تحب ابوها وايد و اكثر وقتها عالنت و شاطره فدراستها و هي احلى
وحده اسمرانيه شوي خشمها سيف شعرها ناااعم حرير عيونها رماديات و رشيقه

و انشاء الله بكمله يوم اشوف تفاعل